|
درباره وبلاگ  آخرین مطالب آرشيو وبلاگ پيوندها
نويسندگان
|
شعر
شعر
جمعه 6 شهريور 1394برچسب:شعر سعید عبادتیان اشعار کوردی شهر شعر شعر کوردی کلهری شعر کردی, :: 17:54 :: نويسنده : مهدی
داره پیـره‌گه‌ێ پـۊتار له جه‌ورم
ره‌نگ په‌ڕی له خه‌وفْ هــزاران ته‌ورم
واهێڵانه‌گـــه‌ێ پایــــز کـــرد خـه‌ورم
پف کرده‌و میلکانْ گه‌ڵاێ چـۊ به‌ورم
تْ چـۊ به‌ڕه‌زاێ ته‌رکْ تازه ڕه‌وز
کیشایده له سه‌ر ئه‌وریشمْ سـه‌وز
هه‌ر شـه‌و شه‌ماڵ تێ ده‌ێ له‌ده‌ماخد
وه شه‌ونم شوورێ په‌لــوه‌چ وشاخد
چـۊ گــــــــڵا له جــــــــه‌ورْ زه‌لان رزیامــــــــه
چـــــــۊ داوْڵ له بـــــرجْ خــــوه‌ر داڕزیامــــــه
چــۊ نانْ که‌فتـــــــــێ کووانـــــێ کزیامــــــــه
وێنـــه‌ێ په‌ته‌ســــــــــوو په‌ت‌په‌‌ت سزیامـــــه
تْ چـۊ بــــــــــه‌ڕه‌زاێ تــــه‌رکْ تـــــــازه ڕه‌وز
کیشایده له ســـــــــه‌ر ئــــــه‌وریشمْ ســــــــه‌وز
هه‌ر شـــــــــه‌و شه‌ماڵ تێ ده‌ێ له‌ده‌ماخد
وه شـــــه‌ونم شــــــــوورێ په‌لــوه‌چ وشاخــــد
وه‌ڵنگه وشکه‌گه‌ێ سه‌ر له لێ شێویاێ
له هه‌ناسه‌ێ ســــــامْ گه‌رمه‌سێر سزیـــاێ
نامه‌وقه وشــــــک بـۊ بێ تــــاوان ڕزیــــاێ
یا ره‌بی هـۊچ وه‌خت چـۊ مْ وه‌پێ نــــاێ
تْ چـۊ بــــــــــه‌ڕه‌زاێ تــــه‌رکْ تـــــــازه ڕه‌وز
کیشایده له ســـــــــه‌ر ئــــــه‌وریشمْ ســــــــه‌وز
هه‌ر شـــــــــه‌و شه‌ماڵ تێ ده‌ێ له‌ده‌ماخد
وه شـــــه‌ونم شــــــــوورێ په‌لــوه‌چ وشاخــــد
بێگـــــــانــه له خـــوه‌م بێــــــــزار له خێشــــم
که‌س نیه‌که‌ێ مه‌ڵهه‌مْ ده‌رده‌‌یـلْ ڕیشــــــم
ئـه‌گـــــــه‌ر بزانــــــــم ڕووژێ پــــه‌ل کیشـــم
سه‌د ســـــــاڵ سییه وه‌ێ ده‌رده‌و نیشـــــــم
تْ چـۊ بــــــــــه‌ڕه‌زاێ تــــه‌رکْ تـــــــازه ڕه‌وز
کیشایده له ســـــــــه‌ر ئــــــه‌وریشمْ ســــــــه‌وز
هه‌ر شـــــــــه‌و شه‌ماڵ تێ ده‌ێ له‌ده‌ماخد
وه شـــــه‌ونم شــــــــوورێ په‌لــوه‌چ وشاخــــد
رووژگار سه‌رد زه‌مانـــه‌ێ ناجوور
وازی چه‌واشه‌ێ چاره‌نۊسْ کوور
په‌لوه‌چـم شـْکان، ساقم کرد کولــــوور
کرده‌م وه ماواێ مار و مـــه‌ل و مـــــــــوور
تْ چـۊ بــه‌ڕه‌زاێ تــــه‌رکْ تــــازه ڕه‌وز
کیشایده له سـه‌ر ئــــــه‌وریشمْ سه‌وز
هه‌ر شـــــــــه‌و شه‌ماڵ تێ ده‌ێ له‌ده‌ماخد
وه شـــــه‌ونم شــــــــوورێ په‌لــوه‌چ وشاخــــد
ئه‌گـه‌ر چـۊ وه‌هـــــــار بـــــــۊده میــــه‌وانــــم
نه‌سیمْ هه‌نـــــاس وه‌رد بـــــه‌ی لـه گیـــانم
له خه‌ێـــــــــاڵم بـــــــووه‌ێ جـــــزرْ زمسانــــم
مهر ئه‌وسا ســه‌وز بوو چه‌تر وسه‌ێوانــــم
تْ چـۊ بــــــــــه‌ڕه‌زاێ تــــه‌رکْ تـــــــازه ڕه‌وز
کیشایده له ســـــــــه‌ر ئــــــه‌وریشمْ ســــــــه‌وز
هه‌ر شـــــــــه‌و شه‌ماڵ تێ ده‌ێ له‌ده‌ماخد
وه شـــــه‌ونم شــــــــوورێ په‌لــوه‌چ وشاخــــد
|
|||
 |
خبرنامه وب سایت:
آمار
وب سایت: